Sidaamu Qoqqowira noo baalanku olliira balaxote roso iillishate loonsanni hee`noonnita Qoqqowu Rosu Biiro Egensiissino.

Rosu minira ha'ra noonsa qaaqquulli giddo 40% anga calla rosu minira hadhannota qummeessinoonni.

Qoqqowu Layinki Pirezidaantichinna Rosu Biiro Sooreessi Kalaa Bayyani Baraasihu Itophiyu Pireesete Uurrinshara xawisanni; daanno ontu dirira qoqqowoho baalunku olliira daaimu hoshsho woy balaxote roso iillado assate loonsanni.

Qoqqowoho rosu millimmo baadiyyete olliira noohu daaimu hoshsho balaxote rosi minna shiqo woffi yitinota xawisinohu Kalaa Bayyani; ledoteno nabbawatenna borreessate dandoo lossota kaa`litanno rosu millimmo loonsanni hee`noonnita qummeessino.

Kalaa Bayyani coy`rinonte gede, 2015 M.Diri baajeettera 83 daaimu hoshsho balaxote rosi minna ijaara hananfeenna 18 balaxote rosi minna ijaari ijaarame goofino.

Ijaarranni hee`noonni rosi minna qoqqowoho baadiyyete olliira afantanno yiinohu Rosu Biiro Sooreessi Kalaa Bayyani, dureeyye beeqqaano assatenni babbaxxino qarqarira Rosu uurrinshuwa halashshate looso harinsanni hee`noonni yiino.

Qoqqowaho 500 ollii afamannota Biirote sooreessi qummi asse; mittu Rosi mini ijaarira ajanna 7 miliyoone birra baajeette amande baalanku oliira isilancho ikkitino daaimu hoshsho mine iillishate loonsanni yee xawisino.

Xa goofanni noo 2015 M. Diri baajjeettera qoqqowaho afantanno daaimu hoshsho Rosi minna 30 kume ikkitanno qaaqquulli rosonsa haruunsitinota qaagiisse, qoqqowaho roso rosa hasiissannonsa rosaano giddo 40% anga calla rosu minira hadhanni noota egensiisino.

Kalaa Bayyanni qummeessino garinni, baadiyyete qarqarira noo balaxote rosi minna shiqqo woffi yitino daafira rosu minnara hadhano rosaanote kiiro ajjinota assino.

Konne qarra tirate dureeyyenna mootimmate loosaasine beeqqaano