Sidaamu Dagoomu Qoqqowi Amaale Mini Meentu,Wedellunna Dagoomu Handaari Hajubba Uurrinshu Komite 2016 b.d bocu diri Fayyimmate Biiro loossa mixote jeefishshi rippoorte shiqqeenna keeno assitino.

***********************************************

Arfaasa 18/2016M.D Sidaamu dagoomu qoqqowi amaale Mini dagate xaadooshshe.

Hawaasa.

Keenote bare massagginoti Sidaamu dagoomu qoqqowi amaale mine Meentu,wedellunna dagoomu handaari hajubba uurrinshu komite gambisaancho ayirrado dukko Ayyelechi Ledamoti xawissanni bocu diri loossa keeno assitu yannara loossa tittirshunni kajjadonna laafa waate bande keennonniha ikkanna kaajjadunni xawinsoonnire lede jawaate sufanno assanna taala hasiissannore taashsha hasiissannota huwachishino .

Biironnita bocu diri rippoorte shiqishshinoti Sidaamu dagoomu qoqqowi mootimma fayyimmate biiro sooreette ayirrado D/r Selamaawiti Mengeshiti coyidhanni tini keeno loonsanni dangoonnirenna albillicho maa loonsanniro hee'noonni deerra bande anfe loosu giddora eate luphiimu qeechi nooseta kulte, keenotenni bandoonniha kaajjado waate lede kaajjanno gede assatenna taala hasiissanno yine xe'nete gede kayinsonnire yannatenni taashshate qixxaawanyoota ikkansa buuxisino.

See Translation

All reactions:

2020