1 Mentu, Wedellunna Dagoomittete  Hajubba  Uurrinshu Komite

1.1 Meentu, wedellunna dagoomittete hajubba uurrinshu komite harunsitanno loosu minna

              1.1.1 Rosu biiro 

             1.1.2 Fayyimmate biiro

             1.1.3 Daggitte owaantenna mannu jiro latishshi biiro

            1.1.4 Meentu, wedellunna dagoomittete hajubba biiro.

           1.1.5 Woga, turiizimenna Ispoortete biiro ikkitanna hattono tini uurrinshu komite ha’runsitanno biirora woshshamaancho ikkitino uurrinshubba hanqafanno

Tini uurrinshu Komite aane noo looso loossanno.           

  • Bay’riidi seeri giddo meentu qoosso muroonniti ayirrasenna qoossonsanni horaameeyye ikkansa ha’runsanna qorqora,
  • Mentu, Qaaqquullunna Wedellu miiccanno seera heesaganna woyyaabbanno assa haaro seeru hedono burqisa
  • Seeru fulannonna kaajjanno woyte kooteemmate mallaado hoolinohanna kooteemma hedote worroha ikkase buuxa,
  • Poletikunni, miinjunni, dagoomittete widoonni hattono mootimmatenna hallanyu uurrinshubbara meentu labballunni taalo heewisame beeqqaano ikkanno gede dandiisiisate meentu woriidimmanna badooshshunni la”ama iillinonsa dhaggete basssa taashhsa, dandiisiisanno addi irkote qaafo horaameeyye ikkitanno doogo injeessa
  • Meentu jajja kalaqi’rate, gashshate, qorqorate, horoonsi’aratenna ragirate/ragisiisate/ qoossonsa agaramase ha’runsanna qorqora,
  • Meentu, qaaqquullunna wedellu qoqqowu latishshi polisera, mixonna pirojekittete qixxaawonna gumulshi roorenkanni meentu horo kissanno pirojekitubba aana hedonsa wo’mu garinni aa dandiitanno assate meentu hajo polise addi addi mootimmaame uurrinsha giddo, xaphoomunni qoqqowu deerrinni assootunni leellinshanni gedenna loosu aana noota qorqora,
  • Meentu, qaaqquullunna wedellu gawajjanno baadillichu assooti hekkonni hoolate meento xiibbanno, bisinsanna surrensa aana jado iillishshanno seera, yaattonna rosicho hoolanna qorqora,
  • Meentu qodowatenninna ilatenni iillitannonsa dano gargaranna fayyimmansa agarate dandiinanni maatete bikko rosi mashalaqqenna dhuka afi’rate qoosso ha’runsanna qorqora,
  • Meentunna wedellu xa’monsa qarqarira hasattonsanna mitiimmansa daninni qinaabbe mitiimmansa huntanno gede sharrantannonnna qoossonsa ayirrisidhanno gede irko aa
  • Xaphoomunni qoqqowu motimma assitanno millimmo meentunnita taalo beqqonna horaameessimma buuxisiissinota ikkitanno gede dandiisiisate bayi’riidi seerira, seerunna sekiterrate polissa garinni loosamansa ha’runsanna qorqora,
  • Bayiriidi seerira worroonni qoosso ayirrisamase, qaaqquulle la’ino qaafo adhinanni woyte mootimmate woy hallanyu dancha owaante uurrinshawa, yoote mine qaaqquullu qoosso balaxotenni hedamasenna qaaqquullu nagehimmansanna rosonsa suffanno uurrinshubba safamansa ha’runsitanno, qorqortanno.
  • Wedellunna ispoortete polise, seeru, istiraatejenna mixo garunni loosu aana hosase ha’runsitanno; qorqortanno.
  • Ollohino latishsha abbatenna dimokkiraasetenni lophino dagooma kalaqate ikkadimmate, silanchimmatenna ammanammetenni mudhe loosanno qajeelino mannu wolqa harancho yannanninna halashshine kalaqate assinanni millimmo ha’runsanna qorqora,
  • Qoqqowunnita xaphooma dagoomu latishsha rosu, fayyimmate, piresete, wogate, dhuku dhaabbachishshinninna wolootta polissa, sera, istiraatejubbanna mixo garunni loosu aana hosansa keentanno. Ha’runsitanno; qorqortanno.
  • Wogate, dhaggete hornyi agarame ilamate taraawanno doogo suudisamase loosu aana hosase ha’runsanna qorqora,
  • Qoqqowoho turizimete buichimma owaattanno hasiissanno ikkitubba injaawase ha’runsa,
  • Ech ay Vi nna Koovidi-19 taraawo kiate kaa’liatanno millimmo ha’runsanna qorqora,
  • Dagoomitte woowe owante, doogote galtannori, geerru, bisu xe’ne noori looso hoongenna woloota daagoomu hajolainohunni gumulsha ha’runsanna qorqora
  • Rosatenna rosiisate harinsho garunni haranna hooga harunsanna qorqora
  • Qoqqowoho dirinsa rosoho iillino qaaqquullinna wedelli rosu minira garunni bobbahanno hayyo kalanqoonnita harunsanna qorqora,
  • Balaxote, addi hasatto, gamaareeyyenna dorshunnihu safote rosi xintamooshsi muraminota harunsanna qorqora,
  • Woloota komitete hunda tantannoonni loosu minna hexxonna sokko kaima assine hasiissanno ha’runsonna qoroqrsha assitanno.